Gæðingur Öl

Gæðingur Öl er örbrugghús í sveitinni í Skagafirði. Brugghúsið var stofnað til að auka flóruna í bjórmenningu Íslendinga, til að bjóða upp á nýja og spennandi bjóra.

Brugghúsið er breskt, 6 tunnu brugghús og hóf starfsemi í febrúar 2011. Á myndinni hér að neðan sést hitaketill, meskikari og suðuketill.  Hægt er að búa til flestar gerðir öls og lagers með þessum búnaði.

Microbar er staðsettur í Austurstræti 6 í Reykjavík. Þar má að jafnaði finna 4-5 kranabjóra frá Gæðingi, auk bjóra frá Ölvisholti, Kalda og Steðja. Á Microbar er einnig að finna mikið úrval erlendra bjóra á flöskum. Microbar er að auki tilraunaeldhús Gæðings, þar sem við seljum u.þ.b. einn tilraunabjór í mánuði á krana.

Endilega heyrðu í okkur ef þú hefur einhverjar spurningar.